Владата денеска одлучила да се задолжиме нови 500 милиони евра од Унгарија

Bez autora

Dec 11 2024

Премиерот Христијан Мицкоски во „Отворено студио“ на МРТ, на тема „Буџет 2025“, рече дека на денешната владина седница поминало ново задолжување од 500 милиони евра од Унгарија, кои ќе бидат наменети за раздолжување на еврообврзницата земена од минатата влада.

Премиерот вели дека кога денеска би излегле со нашиот кредитен рејтинг и ако споредиме држави со многу подобар кредитен рејтинг, кои земаат еврообврзница со каматна стапка од 5%, тогаш ние не можеме да очекуваме еврообврзница пониска од 6%, а сега добиваме заем од 3,25%, што е за 2,75% поповолно.

„На 500 милиони евра кога сето ова ќе го ставите, рочноста од 15 години, тоа се заштеда од 200 милиони евра. Ќе се задолжиме за да се раздолжиме, односно идните влади и генерации ќе немаат еврообврзница да враќаат“, рече Мицкоски, без да наведе дека идните влади и генерации на ист начин ќе го враќаат и унгарскиот кредит.

Ocenite tekst